A Federación Galega de Dano Cerebral (FEGADACE) vén de editar unha ‘Guía legal’ que recolle os principais cambios normativos que afectan ao colectivo de persoas con dano cerebral e ao conxunto da discapacidade en xeral.
Aborda principalmente o fin das coñecidas comunmente como “incapacitacións” para pasar a un sistema de apoios, entre outras cuestións.
Para dar a coñecer estas modificacións legais, así como a guía que os resume, a devandita asociación está a organizar unha serie de presentacións que a vindeira semana chegan a Sober. A cita é o 24 de abril no Salón de Actos da Casa da Cultura, entre as 12:00 e 13:30.
Os relatores serán o avogado, autor da guía e asesor legal de FEGADACE, Miguel Vieito, e a traballadora social da Federación, Carla Miranda.
