Tardan nove horas en apagar un lume iniciado nuns rolos de herba almacenadas en Chantada

Columna de fume/J.G.G.

Unha gran cantidade de rolos de herba almacenados nunha nave particular, situada nas inmediacións do Santuario de Fátima, no municipio lucense de Chantada, arderon esta noite despois de producirse un incendio.

Segundo informa o 112 Galicia, o lume comezou sobre as 19,00 horas do venres e os bombeiros traballaron para extinguilo ata as 4,00 horas. Non houbo feridos nin danos materiais máis aló da herba queimada.

Tras recibir a chamada de alerta por parte dos axentes da Garda Civil, o 112 Galicia puxo en marcha un operativo no que participaron ademais dos Bombeiros de Chantada, os axentes da Policía Local, os membros do GES de Monterroso e os efectivos de Protección Civil da localidade. Tamén, distintos medios do Concello e do Servizo Provincial de Incendios prestaron a súa colaboración nas tarefas de extinción.

DEIXAR UN COMENTARIO

Please enter your comment!
Please enter your name here