Aberto o prazo de inscrición para a feira de artesanía de Lugo

A mostra, ArteSanFroilán, celebrarase entre os días 3 e 14 de outubro e cóntase coa presenza dunhas 25 casetas que se emprazarán na Praza Anxo Fernández Gómez.

Olería de Gundivós/XdL

A Deputación de Lugo anuncia que, ata o 21 de xullo inclusive, todos os artesáns que queiran participar na mostra de artesanía ArteSanFroilán 2018, teñen o prazo aberto de inscrición.

Para todos aqueles profesionais da arte, o goberno provincial habilita unha sección dentro da páxina web oficial do consistorio onde os interesados poderán recibir toda a información a máis de formalizar a súa solicitude.

A participación nesta mostra está reservada para profesionais cuxa produción sexa exclusivamente de creación e elaboración propia. O material emprego debe responder ó proceso de elaboración e transformación dunha determinada materia prima.

Por outra banda, os artesáns poderán participar de xeito individual ou en conxunto. Para a selección dos participantes na mostra, puntuarase de xeito favorable a calidade e coherencia no uso da técnica, tecnoloxía, material, cores, uso de materias primas autóctonas, a antigüidade da Carta de Artesá e se o Obradoiro está inscrito no Rexistro Xeral de Artesanía de Galicia ademais de tódolos compoñente do proceso de elaboración das pezas.

A mostra, que se celebrará entre os días 3 e 14 de outubro, facéndoa coincidir cas festas do San Froilán, estará composta por 25 casetas que se emprazarán na Praza Anxo Fernández Gómez de Lugo. O seu horario será, polas mañás de 11:00 a 14:00 horas e polas tardes de 17:00 a 21:00 horas

DEIXAR UN COMENTARIO

Please enter your comment!
Please enter your name here