A vendima na Ribeira Sacra entra na recta final

Esta primeira fin de semana de outubro, foi a última fin de semana de intensa actividade na Denominación de Orixe. Con data 7 de outubro lévanse recollido 4.973.615 quilos e case a metade das adegas xa remataron os traballos.

Vendima Ribeira Sacra / Concello de Sober

A vendima na D.O. Ribeira Sacra segue segundo o previsto e despois desta fin de semana xa se achega aos 5 millóns de quilos recollidos, sendo a variedade Mencía, a estrela, con 4 millóns 148 mil quilos. O resto de variedade arroxan as seguintes cifras.

Variedades tintas:

  • Mencía:  4.148.173 kgs
  • Brancellao:  20.091 kgs
  • Merenzao:  48.957 kgs
  • Caiño:  28.489 kgs
  • Garnacha:  229.080 kgs
  • Mouratón:  4.262 kgs
  • Sousón: 60.498 kgs
  • Tempranillo:  47.072 kgs

Variedades blancas:

  • Albariño:  72.732 kgs
  • Dona Branca:  3.592 kgs
  • Godello:  274.667 kgs
  • Loureira:  1.257 kgs
  • Torrontés:  2.735 kgs
  • Treixadura:  32.010 kgs

TOTAL DE KGS RECOGIDOS:  4.973.615

Das 95 adegas que elaborarán viño ao amparo da D.O. nesta campaña, 48 xa remataron os traballos de recollida.

A chuvia caída o sábado non supuxo problema, pero que chova en plena campaña non é o máis convinte. Ata finais desta semana, as previsións climatolóxicas son boas e espérase que nestes días entre a maior parte da uva que resta para chegar á previsión do 6 millóns de quilos. Durante toda a campaña a climatoloxía foi excepcional e está entrando nas adegas uva de moi boa calidade e cun estado sanitario excelente.

DEIXAR UN COMENTARIO

Please enter your comment!
Please enter your name here