Ana Pastor insta ao novo goberno a “cumprir con Galicia” nunha visita a Chantada

"Non imos permitir ser menos que os demais", asegurou.

Ana Pastor. Eduardo Parra - Europa Press - Arquivo

A vicepresidenta do Congreso, a popular Ana Pastor, instou o novo goberno a “cumprir con Galicia” desde o “punto de vista orzamentario”. “Non imos permitir ser menos que os demais”, asegurou.

Así se pronunciou este sábado en declaracións á TVG durante unha visita a Chantada, municipio no que se achegou ás adegas Vía Romana.

“Queremos que se termine o AVE a Galicia, que leva xa un atraso importante”, manifestou a que fora ministra de Fomento do goberno de Mariano Rajoy, que considerou necesario traballar polo tecido industrial galego e, especificamente, polas electrointensivas.

Ana Pastor asegurou que o PP “traballará en todas as frontes” e advertiu dos prexuízos de proxectos que baralla o novo goberno, como a Lei de Costas. “Temos unha axenda moi intensa para traballar por Galicia”, subliñou na súa visita ao municipio lucense de Chantada.

DEIXAR UN COMENTARIO

Please enter your comment!
Please enter your name here