O sur lucense, en risco amarelo por treboadas

Os viticultores da Ribeira Sacra que están vendimando estos días non viron afectados os seus cultivos polo fenómeno metereolóxico

Treboada/GC

Preto de 1000 raios caeron na madrugada do 27 de setembro no sur lucense. Entre as 4:00 e as 8:00 da madrugada, Chantada, Sarria e Quiroga víronse afectadas por unha forte treboada que provocaron un incendio nunha casa particular neste último concello.

Foi ao redor das 8 da mañá cando un particular alertaba, a través do 112, que lle estaba ardendo do contador da luz presumiblemente pola forte treboada que caera na zona minutos antes. Afortunadamente o lume foi controlado de seguido e non houbo que lamentar danos persoais.

Tamén é salientable que a treboada non estivo acompañada de granizo polo que os viticultores da Ribeira Sacra, que estos días están a pleno rendemento recollendo a uva, non viron os cultivos afectados.

Imaxe da treboada desta madrugada/AEMET

Segundo informa 112 Emerxencias Galicia, para o resto da xornada está activado o nivel amarelo por tormentas na montaña e sur lucense.

DEIXAR UN COMENTARIO

Please enter your comment!
Please enter your name here