HomeTerra de LemosSoberNovo miradoiro á Ribeira Sacra de Soutochao

Novo miradoiro á Ribeira Sacra de Soutochao

Ángeles Vázquez destacou os "excepcionais valores estéticos da paisaxe" deste enclave.

Publicado o

- Advertisement -

O concello lugués de Sober estreou o novo miradoiro de Soutochao, desde o que poden contemplarse as paisaxes da Ribeira Sacra desde o lado da provincia de Lugo neste enclave que aspira a ser declarado Patrimonio da Humanidade. Este venres, a conselleira de Medio Ambiente e Cambio Climático, Ángeles Vázquez, visitou este miradoiro panorámico que foi reacondicionado a través do plan estratéxico para a Ribeira Sacra cun investimento de 20.000 euros.

Ademais da construción dunha pasarela desde a que gozar dunha vista panorámica ao canón do río e os bancales da viticultura ‘heroica’, a actuación tamén contemplou a instalación de paneis informativos, bancos e aparcabicicletas, así como melloras no aparcadoiro.

Alí, a conselleira destacou os “excepcionais valores estéticos da paisaxe” da Ribeira Saca que poden contemplarse desde un punto que foi reformado para actuar tamén como un punto de información sobre o itinerario de interese paisaxístico que empeza na parroquia de Doade. En total, o plan estratéxico para a Ribeira Sacra conta cun orzamento de 4,5 millóns de euros para levar a cabo acciones ambientais e de ordenación en 30 concellos da zona.

Segundo explicou Vázquez durante a visita e recolle unha nota de prensa, ao amparo deste programa actuouse en lugares polos que discorren os dous itinerarios de interese paisaxístico con valores panorámicos: a ruta 16 –entre San Fiz de Asma e Os Peares– e a ruta 17 –desde Soutochao ata Os Castros–.

ÚLTIMAS

Ferran Centelles: “Delicadeza é o que falta historicamente en España e a Ribeira Sacra ten o potencial de ofrecer eses viños”

Esta cata forma parte dos esforzos da Denominación de Orixe Ribeira Sacra para destacar...

O IES A Pinguela, único instituto de Galicia con FP de calzado e complementos de moda

Do encontro participou o profesorado do IES A Pinguela con empresarios monfortinos do sector...

O 30 de xuño o colexio de Sober celebra o 50 aniversario cun xantar de confraternidade

Ao longo deste medio século de vida teñen pasado polo centro máis de 1.270...

Próximas xuntanzas das Comunidades de Aprendizaxe “Montes de Saberes”

Nestes encontros debaterase e realizarase unha folla de roteiro para que as Comunidades de...