Quiroga traballa xa na organización da Feira do Viño

Coincidindo, como é tradicional, coa Semana Santa, as datas do certame deste ano serán o 16 e o 17 de abril.

Exposición “40 anos da Feira do Viño de Quiroga" (2021). Foto: TMQ

Este venres 14 de xaneiro reuníase na casa consistorial a comisión organizadora da Feira do Viño nunha primeira toma de contacto antes de que cada subcomisión se encargue do seu cometido.

Segundo indican fontes do concello, as datas xa están marcadas: 16 e 17 de abril. Se todo vai ben de aquí á Semana Santa, festividade na que se emnarca tradicionalmente o evento vitivinícola quirogués, espérase volver celebrar co formato habitual o encontro anual cos viños quirogueses.

Por diante quedan máis xuntanzas para fixar prazos e requisitos de inscricións, para falar con colleiteiros, para pechar nomes de posibles pregoeiros e para organizar o resto de actividades que se inclúan na programación.

DEIXAR UN COMENTARIO

Please enter your comment!
Please enter your name here