Animalistas denuncian unha “macrobatida” de raposos o sábado en Triacastela e Láncara

A asociación Libera lembrou que o raposo é "un dos depredadores naturais" das ratas, a especie que está provocando perdas económicas na comarca.

Raposo | Fonte: turismo de observación

A asociación animalista Libera denunciou este mércores a celebración o vindeiro sábado en Láncara e Triacastela de dúas “macrobatidas” para “masacrar raposos”, onde están convocados “decenas de cazadores vidos das catro provincias de Galicia”.

Nun comunicado, os animalistas criticaron que a Xunta “non informase desta convocatoria”, que se coñece “a través de redes sociais”, algo que, aseguran, “volve pór en risco as persoas que este sábado quixesen dar un paseo, recoller fungos ou realizar algún deporte ao aire libre nas zonas escollidas”.

A asociación lembrou que os cultivos desta zona de Lugo “levan semanas” sufrindo danos pola poboación de ‘ratas’, unha especie que está “a provocar perdas económicas aos agricultores da comarca”. O raposo, apunta, é precisamente “un dos depredadores naturais deste roedor”.

Libera cualificou de “aberración” que a Consellería de Medio Ambiente “vaia autorizar un novo pseudocampionato para exterminar raposos sen dispor dun só traballo científico independente” que o avale, xa que, aseguran, “os plans de ordenación e outros documentos dos cotos de caza son elaborados por empresas con intereses no sector”.

1 COMENTARIO

  1. Quando nom podam cultivar as patacas nem o milho, chamaram para pedir dinheiro. Os raposos som os melhores depredadores das ratas-toupo, e nom som a sua caça devera estar proibida senom que tinham que estar protegidos.

DEIXAR UN COMENTARIO

Please enter your comment!
Please enter your name here