Unha colisión entre dous turismos na G.C. 2.2, á altura do concello do Páramo remata con dous falecidos. O vehículo que conducía un dos falecidos comezou a arder, xusto despois do impacto. O condutor, falecido no acto, tivo que ser excarcerado polos bombeiros. No vehículo que se incendiou viaxaba tamén un can que faleceu co impacto.

No outro vehículo viaxaban duas persoas, o outro condutor falecido e a acompañante que resultou ferida grave. Ámbolos dous tiveron que ser excarcerados polos bombeiros.

O Centro Integrado de Atención ás Emerxencias (CIAE) 112 Galicia recibía a alerta de varios particulares sobre as 22:00 horas desta pasada noite. Despois de que o 112 recibira o aviso puxo en alerta ao 061-Urxencias Sanitarias, aos Bombeiros de Sarria e aos axentes de Tráfico. Requeriuse tamén a intervención do personal do servizo de mantemento da estrada.

As características do sinistro fixeron necesario interrumpir o tráfico. Tres horas despois, ao redor da 1.00 da madrugada a calzada estaba limpa y restabecíase a normalidade na circulación.