O Partido Popular presentará no Parlamento de Galicia unha iniciativa para instar o Goberno estatal a que manteña a venda presencial de billetes nas estacións de tren de Sarria, Burela e Viveiro. Pediranlle que rectifique unha decisión que “incumpre co obxectivo de ofrecer servizos ferroviarios de calidade e proximidade”.
O deputado do PP por Lugo Daniel Veiga denunciou que “non se pode tolerar outro recorte aos cidadáns por parte do Goberno do PSOE”, xa que a venda de billetes de forma directa “é fundamental para a pervivencia do transporte de viaxeiros por tren” nas comarcas lucenses. Asegurou que a Xunta de Galicia xa trasladou ao Goberno o seu “desacordo”.
