Sarria convértese nun ‘Salón Internacional de Arte’

A vila respirará arte con autores chegados de todo o mundo e unhas 150 obras expostas para aumentar o prestixio da ‘Bienal de Sarria’.

Cartel 'Décima Bienal de Sarria'

A décima edición desta exposición fundada polo escultor sarriano que conqueriu Francia, José Díaz Fuentes, terá lugar este ano do 23 de xullo ao 18 de agosto.

O pasado día 20 de xullo tivo lugar unha inauguración previa no Mosteiro da Magdalena, en Triacastela, onde está exposta unha mostra de obras pensada para aproveitamento e goce dos peregrinos que pasan a diario por esta vila. E hoxe, 23 de xullo, ás 20:30 h. farase a inauguración oficial da “Décima Bienal de Sarria” na antiga prisión comarcal de Sarria. Neste acto de apertura estarán o alcalde Claudio Garrido Martínez, Reyes Abella García, concelleira de Cultura, Pedro Pardo Díaz, presidente do centro UNESCO de Sarria, Florence Normier, presidenta do SIA-Sarria (Salón Internacional de Arte) e Anne-Michèle Vrillet, comisaria das exposicións.

Expoñeranse instalacións, pinturas, esculturas, gravados, debuxos, creacións dixitais… Un total de 150 obras procedentes de 17 países estranxeiros que acompañarán ás obras dos artistas galegos presentes na mostra.

Os días 24 e 25 de xullo, algúns artistas traballarán ao aire libre con materiais reciclados facendo da arte un idioma universal para goce dos presentes que pasen por Sarria ou vaian expresamente para satisfacer a súa curiosidade.

DEIXAR UN COMENTARIO

Please enter your comment!
Please enter your name here