Cultura no Camiño en Quiroga e Pantón

O Programa Cultura no Camiño que promove a Consellería de Cultura e Turismo achega actividades de lecer esta fin semana aos concellos de Quiroga e Pantón. E na igrexa chantadina de Pesqueiras, a Asociación Amigos do Románico prepara actividades para este domingo.

Concello de Pantón / XdL

Este sábado ás 12.00 comeza na rúa Real, en Quiroga, o espectáculo de maxia de Berta Ramos, Petite Caravane. Canso de que o rexeiten en tódos os teatros, o artista de variedades máis pequeno do mundo decide montar o seu propio, e non só o fai acorde ás suas medidas, senon que tamén lle pon rodas para levalo a todos os rincóns dp mundo.

Tamén este sábado, 10 agosto, ás 23.00, a Praza do Concello de Pantón acolle un concerto a cargo das Antonias, un grupo conformado por Antonia Le (Ana Le), Antonia Colorees (Mamen Bazarra), e Antonia Pentagramas (Elena García-Fresca). Nos últimos meses incorporaron membros novos para ofertar así unha formación máis completa, incluíndo a Antonia A Feira (Sabela Caridade) á percusión. Ao berro de “Todos somos As Antonias!” inclúen a participación de homes e mulleres no seu espectáculo.

O domingo, 11 de agosto, a Asociación de Amigos do Románico da Comarca de Chantada organiza un acto cultural reivindicativo na igrexa románica de Santa Mª de Pesqueiras. Ás 17.00  haberá pintura ao libre e las 17.30 misa co acompañamento musical do Trícole e actuación do poeta e contador de historia Celso F SanMartín. Desde a organización recoméndase non acceder en coche ata a igrexa.

DEIXAR UN COMENTARIO

Please enter your comment!
Please enter your name here