HomeCulturaMonforte celebra a Xornada Europea da Cultura Xudea

Monforte celebra a Xornada Europea da Cultura Xudea

O Concello de Monforte celebra este domingo, 1 de setembro, o 20 aniversario da Xornada Europea da Cultura Xudea, con visitas guiadas e de balde á Xudaría da cidade do Cabe.

Publicado o

- Advertisement -

A Xornada Europea da Cultura Xudea, que organiza a Asociación Europea para a Preservación e Promoción da Cultura e a Herdanza Xudea, en colaboración coa Biblioteca Nacional de Israel, ten como obxectivo destacar a diversidade e a riqueza do Xudaísmo, coa intención de promover o diálogo, o recoñecemento mutuo e o intercambio a través de conferencias, concertos, actuacións, visitas guiadas e outras actividades que teñen lugar en concellos, comunidades xudías, museos e centros culturais de toda Europa.

No 2018, máis de 420 cidades de 28 países europeos uníronse ás Xornadas, nas que participaron máis de 179.000 persoas. En España, as actividades son promovidas dende a Red de Juderías de España, en colaboración cos concellos adheridos á mesma, entre eles Monforte de Lemos.

Polo tanto, este domingo, 1 de setembro, todos aqueles interesados en coñecer a zona de ámbito xudeu de Monforte, poderán gozar de visitas guiadas e de balde que sairán dende a Oficina Municipal de Turismo. Pola mañá ás 11.30 e ás 18.00 en horario de tarde. As visitas correrán a cargo do historiador monfortino Felipe Aira.

ÚLTIMAS

Olalla Rodil destaca en Sarria que o BNG traballará desde o congreso para mudar a política industrial

Rodil visitou o Polígono do Morelle xunto co Vicepresidente da Deputación e concelleiro do...

Chantada reforza o acceso á información turística nun outono que segue atraendo visitantes á Ribeira Sacra

Destaca o interese dos visitantes nesta época do ano na que a paisaxe do...

A Deputación adxudica a explotación dos Náuticos Ponte do Sil e Maiorga

Con estes acordos, a institución provincial dá continuidade á actividade turística e de lecer...

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...