HomeCulturaA 'navalla de Manuel María' será este ano para o quirogués Xosé...

A ‘navalla de Manuel María’ será este ano para o quirogués Xosé Estévez

Esta tarde celébrase na Terra Chá o tradicional cabodano na honra do intelectual galeguista cun acto que comeza ás 15:00 h. cun xantar de irmandade.

Publicado o

- Advertisement -

Como vén sendo tradicional chegado o día 8 de setembro, a Irmandade Manuel María e a Asociación Cultural Xermolos organizan unha xornada homenaxe ao senlleiro poeta lucense coincidindo coa data do seu pasamento.

O acto comeza ás 15:00 h. cun xantar de irmandade no Restaurante Río Ladra, comida na que se puideron apuntar previamente todos aqueles que estiveron interesados/as. A continuación, ás 17:00 h. realizarase un recital poético no emblemático lugar de Penas de Rodas, no seu Outeiro de Rei natal.

Ás 18:00 h. levaráselle unha rosa ao cemiterio da devandita localidade, onde foi enterrado Manuel María, con acompañamento de versos e comunicados. Despois deste momento de dedicatorias farase a ‘Benvida’ co Canto da Irmandade que interpretarán ‘O Carro‘ de Manuel María e Mero.

Rematando a homenaxe, ás 18:30 h. desenvolverase o “rito das navallas” como lembranza deses obxectos persoais que gardaba o intelectual chairego. Este ano recibirá a Navalla de Manuel María o historiador quirogués Xosé Estévez. Fai a entrega Branca Rodríguez e presenta Paco Martín. Xunto coa navalla, Estévez recibirá tamén unha lámina de Eneko.

A entrega da navalla a título póstumo será para Xavier P. Docampo. O encargado de poñela na man da súa familia e darlles tamén unha lámina de Suso Cobeiro será Mero Iglesias.

O acto rematará cun bocado comunal, grolo de irmandade e acompañamento poético e musical.

ÚLTIMAS

Máis dun cento de persoas asisten á proxección de Reboiras en Monforte

Ao remate da proxección tivo lugar un coloquio no que interviron dous militantes da...

Tomé inaugura o VII Festival do Viño da Ribeira Sacra de Monforte coa participación de 3O adegas

Aproveitando a súa intervención, Tomé anunciou que a Deputación Provincial asinará en breve un...

Remátase o muro de sostemento en Gradín para garantir a seguridade viaria en Láncara

Os traballos consistiron na execución dun novo muro de sostemento e na renovación da...

O Concello de Chantada reforza a sinalización turística do Monte Faro

Os novos sinais instalados, mencionan a igrexa de Santiago de Requeixo, a ermida de...