O museo Pazo de Tor abre as súas portas o 26 de xuño

O 26 de xuño retómanse as visitas aos museos da Rede Provincial, que seguirán potenciando as actividades virtuais que desenvolveron nestas semanas. As visitas organizaranse dacordo con normas para preservar a saúde colectiva

Visita Pazo de Tor / Vicepresidencia

Os catro museos da Rede Museística Provincial retoman as visitas presenciais o 26 de xuño. O Museo Provincial de Lugo, o Museo Provincial do Mar de San Cibrao, o Museo Pazo de Tor e a Fortaleza de San Paio de Narla volverán recibir público presencialmente tras semanas dunha intensa actividade virtual, ofrecendo contidos e actividades adaptadas á situación sanitaria.

A Rede Museística Provincial estableceu diferentes medidas para que as visitas se fagan coas máximas garantías de seguridade. A capacidade e tempos de permanencia nos museos adaptáronse e limitáronse segundo as dimensións e características de cada espazo.  O uso de máscara será obrigatorio para todas as persoas que accedan aos museos. Ademais, os catro museos contan con dispensadores de solucións hidroalcólica á entrada e á saída, para facilitar a hixiene de mans.

No interior, sinalizáronse itinerarios de forma que os visitantes farán percorridos pensados para que poidan ver as coleccións e exposicións mantendo a distancia interpersoal de 2 metros. Poderanse seguir concertando visitas guiadas pero a reserva será individual ou para grupos de familiares ou persoas que convivan habitualmente, cun máximo de seis persoas. Os museos permanecerán abertos de martes a domingo, de 11.00 a 14.00 horas e de 17.00 a 20.00 horas.

DEIXAR UN COMENTARIO

Please enter your comment!
Please enter your name here