‘O aninovo dos animais’ na Casa da Cultura de Sarria

Seguindo coa programación cultural de Nadal, este domingo 3 de xaneiro está programado un espectáculo para os máis pequenos da casa.

Casa da Cultura de Sarria / XdL

Chega ao Concello de Sarria unha actividade na que o artista César No convida á celebración do ‘aninovo dos animais’ nunha viaxe especial con eles para axudarlles a resolver os seus pequenos conflitos.

Será o domingo 3 de xaneiro ás 17:30 h. no Salón de Actos da Casa da Cultura de Sarria e cumprindo as medidas anti-covid pertinentes xa coñecidas por todos e todas.

Sinopse do espectáculo

As folerpas de neve cobren a paisaxe e convértena nun precioso manto branco que non durará moito xa que os nosos animais o cubrirán coas súas pegadas para iniciar unha viaxe misteriosa cara un ano novo.

Teremos que acompañar a un exército de pitas que buscan vinganza, a unha formiga cantante, a un gato saltarín e a moitos animais máis que nos axudarán a combater o frío e que precisarán da nosa axuda para resolver os seus problemas. Súmate a esta viaxe!

Cartel do espectáculo

DEIXAR UN COMENTARIO

Please enter your comment!
Please enter your name here