HomeCulturaExposición "O Fin do Camiño" en Monforte

Exposición “O Fin do Camiño” en Monforte

A Casa da Cultura Lois Pereiro acolle esta mostra que en 2019 percorreu todos os concellos do Camiño Francés en Galicia. Na edición 2020-2021 seguirá percorrendo os concellos dos Camiños Primitivo, Norte, de Inverno e Vía Kunig, ao seu paso pola provincia de Lugo.

Publicado o

- Advertisement -

Na inauguración, que tivo lugar o pasado 5 de xaneiro, a Concelleira de Cultura, Marina Doutón, estivo acompañada por Xulio Xiz, presidente do Colectivo Egeria, asociación que organiza a mostra. A mostra conta coa colaboración do Concello de Monforte, co patrocinio da Xunta co programa “O teu Xacobeo” e coa participación da Asociación de Municipios del Camino de Santiago e Acogida Cristiana del Camino, da Catedral de Santiago, e da plataforma en internet GaliciaDigital, que desenvolveu a web do proxecto, cos contidos da exposición.

As fotografías son de dous importantes fotógrafos galegos -Eduardo Ochoa e Carlos Puga- que reflicten especiais visións dos Camiños a Compostela, arredándose das visións turísticas e centrándose nos aspectos humanos e monumentais, dos que se destacan os detalles máis sobranceiros.

Os textos, redactados en galego, castelán e inglés, abordan o tema deO Fin do Camiño” como expresión dos sentimentos que moven ao peregrino a emprender este Camiño milenario, tendo capítulos especiais para o motor da fe, os máis de mil anos dos camiños ou o percorrido cara a unha terra de brumas e de luz.

Cada panel conta con brevísimas glosas do Camiño de Urbano Lugrís, Dante ou Frei Luis de León; Filgueira ou Pensado; Tirso, Machado, Fraguas, Pondal, Cunqueiro, Torrente, Cervantes, Celso Emilio ou  Manuel Rodríguez López.

ÚLTIMAS

Máis dun cento de persoas asisten á proxección de Reboiras en Monforte

Ao remate da proxección tivo lugar un coloquio no que interviron dous militantes da...

Tomé inaugura o VII Festival do Viño da Ribeira Sacra de Monforte coa participación de 3O adegas

Aproveitando a súa intervención, Tomé anunciou que a Deputación Provincial asinará en breve un...

Remátase o muro de sostemento en Gradín para garantir a seguridade viaria en Láncara

Os traballos consistiron na execución dun novo muro de sostemento e na renovación da...

O Concello de Chantada reforza a sinalización turística do Monte Faro

Os novos sinais instalados, mencionan a igrexa de Santiago de Requeixo, a ermida de...