Novidade literaria en Monforte para celebrar o ‘Día de Rosalía’

A Librería Pelayo de Monforte presentará un poemario editado por Peruchela Edicións aproveitando tan senlleira data.

Ilustración de Rosalía de Castro. Autor: Xosé Manuel Fdez.

Co gallo do ‘Día de Rosalía’, este mércores 24 de febreiro, a Librería Pelayo de Monforte ten a ben presentar o poemario “Náiades”, do autor do Courel J.A. Parada Jato.

Será ás 9:30 h. da mañá e o autor asistirá formalmente á librería para presentar o libro e oficialmente a partir dese momento xa se poderá adquirir ao prezo de 9 euros. A comparecencia formal de presentación poderá seguirse en diferido despois no Facebook e na canle de Youtube da propia librería.

Será o cuarto libro editado xa por Peruchela Edicións, unha editorial alternativa de recente creación que aposta por dar a coñecer e apoiar a edición de obras realizadas por creadores e creadoras da contorna.  Trátase dun proxecto de Rocío Rodríguez que naceu en novembro de 2020, e dende aquela xa publicou dous poemarios: “De vida, morte, amor e indiferenza”, de Lin San Mar; e “A vida nas botas”, de Antón Valcarce; e un libro de relatos curtos: “Estamos de conto”, de Pili Sánchez.

DEIXAR UN COMENTARIO

Please enter your comment!
Please enter your name here