Lembranza-Homenaxe á Feira de Antigüidades e Restauración ‘San Lázaro’ de Sarria

A mostra, que tiña que terse realizado estes días, foi suspendida. Para reivindicar a importancia do evento e do sector as anticuarias de Sarria desenvolveron varias accións.

Imaxe do Folleto da Feira de Antigüidades

A pandemia volveu impedir, un ano máis, a celebración da tradicional ‘Feira de San Lázaro de Antigüidades e Restauración de Sarria’. Para lembrar a importancia desta celebración e do sector, as anticuarias, en colaboración co Concello de Sarria, repartiron folletos promocionais deseñados por Eva Pombo nos que tamén animan a visitar as tendas de antigüidades.

Dende a páxina do Facebook do Concello de Sarria convidaron á veciñanza a sumarse á merecida homenaxe e recoñecemento das anticuarias sarriás a través dun vídeo realizado polo xornal El Progreso, e tamén a ler un interesante artigo do sarriao Xaime Félix López Arias.

O artigo devandito, “Unha rúa chamada do porvir que apostou polas antigüidades”, empeza así: “Todo comezou darredor do interese dun marchante catalán por adquirir pezas antigas e o coñecemento de que nun alpendre da Casa Novoa, na rúa Conde de Lemos, se gardaba a tapa granítica dun sartego de cabaleiro con espada…”

DEIXAR UN COMENTARIO

Please enter your comment!
Please enter your name here