O IES A Pinguela dedícalle á Olga Novo a súa biblioteca escolar

No IES A Pinguela houbo un pequeno acto polo Día do Libro para poñerlle á Biblioteca do centro o nome da profesora, Olga Novo, e descubrir unha placa co seu nome.

Olga Novo descuberta placa IES A Pinguela / IES A Pinguela

A escritora da Pobra do Brollón é ademais profesora, doutora de Filoloxía Galega e ensaísta. Despois da retirada da cortina que cubría a placa co seu nome, Olga Novo leu o poema, “Aprendizaxe”, adicado ó seu alumnado de 2º BAC B presente no acto. Rematouse o acto co profesor de música, Vicente Castro Alonso, que interpretou ó piano a peza “Un recuerdo” de Marcial del Adalid.

A poesía galega leva case desde que Olga era unha nena téndoa como un
referente importante (recibiu, entre outros, os Premios da Crítica Española
e Galega), pero neste curso vén de pasar á historia da Literatura ó lograr,
merecidamente, o Premio Nacional de Poesía  do Ministerio de Cultura polo seu último libro “Feliz Idade”, un relato vitalista que celebra o amor e a
existencia máis aló do tempo, segundo o fallo.

O centro agradece á poeta que aceptase asociar o seu nome ó instituto,
máis aló do tempo e aseguran que é unha honra tela no cadro de profesores do IES A Pinguela.

DEIXAR UN COMENTARIO

Please enter your comment!
Please enter your name here