Xurxo Souto presenta “Pangalaica” este sábado no Ateneo Casino

O sábado haberá cita cultural do Ateneo Casino coa presentación do libro Pangalaica. Recortes poderosos (Editorial Galaxia) a cargo do seu autor, Xurxo Souto. E hoxe teatro coa compañía Bátega e a obra O Mundo de Martiña.

Xurxo Souto

O espectáculo desta tarde ás 20.00 está subvencionado pola Área de Cultura da Deputación de Lugo. Pedro Insua e Raquel López Cendán representan esta obra que conta o periplo vital de Martiña a través dun monólogo musicado e entretecido con cancións e diálogos. A actividade é de balde, previa reserva no teléfono 648 435 033.

O mesmo procedemento seguirase para a cita do sábado ás 12.30 coa presentación de Pangalaica. O libro é uha recompilación de artigos publicados en Nós Diario e que recollen historias e persoas que Xurxo foi coñecendo dende que, hai trinta anos, comezou a percorrer o país co primeiro disco dos Diplomáticos de Monte-Alto, Arroutada Pangalaica.

DEIXAR UN COMENTARIO

Please enter your comment!
Please enter your name here