HomeCulturaSober presenta o 6 de novembro o documental "Nosoutras-relatos femininos"

Sober presenta o 6 de novembro o documental “Nosoutras-relatos femininos”

Trátase da segunda parte dun proxecto de igualdade que nace co obxectivo de homenaxear ás mulleres do mundo rural e facer visibles as condutas machistas que xerminan neste contexto.

Publicado o

POR
Redacción
- Advertisement -

O Concello de Sober presentatá o vindeiro 6 de novembro o documental ‘Nosoutras – Relatos Femininos’, a través desta iniciativa seis testemuñas femininas narran, con auténtica humildade e sinceridade, a súa biografía e como o feito de ser muller ten influído ao longo das súas vidas.

O proxecto ‘Nosoutras’ está recollido en dous formatos. O primeiro deles o papel, a través dunha publicación na que coñecemos os relatos de Pili, Noelia, Otilia, Samanta e Sara, o que permitiu, mediante o sentido do tacto e da vista, achegarnos ás súas historias de vida. Os relatos presentáronse nun acto público e tamén se difundiron a través das redes sociais do Concello de Sober, onde tiveron grande éxito.

Agora o proxecto dá un paso máis e achégase ao mundo audiovisual para traspasar cada un dos nosos sentidos. O 6 de novembro proxectarase o documental ‘Nosoutras – Relatos Femininos’ no salón de actos do Concello de Sober. A presentación estará acompañada da arte musical de Sara Méndez Arias e Ana Fernández Gayoso.

O aforo estará limitado, sendo necesario reservar para poder acudir. Para elo, as persoas interesadas en asistir poden chamar ao 982 46 05 13, de luns a venres e de 08:00 a 14:00. O prazo finaliza o 28 de outubro. Esta actividade está financiada pola Secretaría de Estado de Igualdade en desenvolvemento do Pacto de Estado contra Violencia de Xénero e a súa planificación e elaboración executouse dende os Servizos Sociais do Concello de Sober coa colaboración da empresa Némesis Audiovisual.

ÚLTIMAS

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...

O BNG de Monforte esíxelle ao Concello solucións para as traballadoras da limpeza nos colexios públicos

A formación nacionalista lembra que xa preguntou no anterior pleno pola situación destas traballadoras...