No concello de Chantada celebrarán a xornada o día 23 e farano coa Ciclobiblioteca na biblioteca de Anxo Moure. Debido ás dimensións da sala infantil da biblioteca contarase con tres sesións con grupos reducidos ás 11.00, 12.00 e 13.00, para as que os asistentes se deben anotar previamente, ben presencialmente na biblioteca ou por teléfono (982441752).

E o concello de Bóveda prepara para celebrar esta xornada un obradoiro, unha sesión de contacontos e un concerto que se desenvolverán en tres días diferentes. A primeira actividade será o día 20 cun obradoiro infantil sobre textos de Olga Novo que terá lugar en horario de 16:30 a 18:30 horas. O venres 22 contarase coa visita da contacontos Jara Ortiz, de 12:00 a 14:30 horas. Xa o domingo 24 ás 18:30 horas Xoán Curiel ofrecerá un concerto no Centro Sociocultural.