O torneo de futbolín será clasificatorio para o I Open de Futbolín Concello do Incio, que se levará a cabo nos primeiros meses do ano 2020 e que traerá á localidade a xogadores afeccionados e de gran nivel de toda España.
A competición do día 29 está pensanda para xogadores non profesionais e poderán anotarse ese mesmo día a partir das 16:00 horas no Pavillón do Concello do Incio. Os gañadores e/ou gañadoras acadarán como premio a inscrición gratuíta no I Open de Futbolín Concello do Incio.
Neste torneo clasificatorio van participar deportistas de primeira e segunda categoría e tamén locais. No I Open de Futbolín tamén haberá categoría de élite.
O mesmo día do torneo haberá tamén unha máster class a cargo de Jonatan López, campión Máster Rábade 2017 e Jesús Redondo, Campión de España 2008 e Campión Máster Santander 2010.
A inscrición para o torneo clasificatorio xa está aberta, chamando ao Concello ou ao número 637176984.
O Concello do Incio, para desenvolver esta actividade, conta coa colaboración da Deputación de Lugo a través do Plan Único e da empresa Lucus Recreativos.
