Tres deportistas do Quixós nunha concentración da Federación Galega en Francia

Nerea Gutiérrez, Efrén álvarez e Noa Díaz están convocados para estar do 25 de febreiro ao 2 de marzo na localidade francesa de Pau.

Efrén Álvarez. Foto cortesía de Norbert Aguilera

Duas padeeiras e un padeeiro cadetes do Club Quixós de piragüismo viaxarán a Francia tras a convocatoria que lles chegou da Federación Galega de Piragüismo. Trátase dunha concentración de adestramento que realizarán para navegar nos canais de Pau e Orthez.

A saída realizarana dende Pontevedra, concretamente do Centro Galego de Tecnificación Deportiva, e a volta será o último día da concentración, o vindeiro 2 de marzo. Á chegada, no mesmo lugar da saída, Noa, Nerea e Efrén serán recollidos polos responsables do club ou polos seus familiares.

DEIXAR UN COMENTARIO

Please enter your comment!
Please enter your name here