O vicepresidente económico e conselleiro de Economía, Empresa e Innovación, Francisco Conde, mantivo recentemente un encontro co piloto do Team Monforte Rally Eduardo Iglesias, a quen felicitou pola súa participación no Rally Dakar 2022 tras rematar a dura proba por terceiro ano consecutivo e alcanzar nesta edición a 78ª posición.
No encontro, ‘de monfortino a monfortino’, Francisco Conde trasladoulle a Eduardo Iglesias o apoio da Xunta para seguir levando en próximas competicións o nome de Galicia Calidade e do Xacobeo a nivel internacional, contribuíndo así á proxección exterior da Comunidade.
