HomeMedio ambiente e PatrimonioO pleno de Monforte apoia o Camiño de Inverno por Vilachá e...

O pleno de Monforte apoia o Camiño de Inverno por Vilachá e Rozavales

A Asociación de Veciños/as de Vilachá de Salvadur continúa a recolleitar apoios para a oficialización do Camiño de Inverno ao seu paso por Torbeo, Vilachá de Salvadur e Rozavales. Se nos meses previos foron os acordos plenarios dos concellos da Pobra do Brollón e mais de Ribas de Sil; este luns 1 de decembro, chegou o acordo do Concello de Monforte de Lemos.

Publicado o

POR
Redacción
- Advertisement -

A moción aprobada, idéntica para os tres concellos, supón completar unha fase máis na estratexia deseñada dende a asociación: o apoio oficial dos municipios afectados. Dende a asociación continuarán agora con novas accións na procura de apoios na Deputación de Lugo, que se sumarán a outras iniciativas organizadas para o 2021 e á espera da resolución da Dirección Xeral de Patrimonio Cultural. A asociación está convencida de que este recoñecemento chegará, froito do traballo voluntario do autor do informe.

Dende a asociación indican que a reivindicación deste tramo do Camiño de Inverno está baseada na documentación recollida na moción e que aparece máis específica no informe técnico presentado ante a Xunta de Galicia. Unha información que consideran indiscutible pola contundencia das probas históricas e o aval dos informes científicos.

A asociación destaca que este tramo sería o único que pasaría pola zona que, estritamente, conforma a Ribeira Sacra conforme aos informes presentados na candidatura para Patrimonio da Humanidade. Por iso insisten en que o seu recoñecemento faría combinar dous fenómenos de alcance internacional como son o Camiño de Santiago e a Ribeira Sacra.

ÚLTIMAS

Máis dun cento de persoas asisten á proxección de Reboiras en Monforte

Ao remate da proxección tivo lugar un coloquio no que interviron dous militantes da...

Tomé inaugura o VII Festival do Viño da Ribeira Sacra de Monforte coa participación de 3O adegas

Aproveitando a súa intervención, Tomé anunciou que a Deputación Provincial asinará en breve un...

Remátase o muro de sostemento en Gradín para garantir a seguridade viaria en Láncara

Os traballos consistiron na execución dun novo muro de sostemento e na renovación da...

O Concello de Chantada reforza a sinalización turística do Monte Faro

Os novos sinais instalados, mencionan a igrexa de Santiago de Requeixo, a ermida de...