A igrexa de Santa Cruz, no Incio, declarada Ben de Interese Cultural

Igrexa de Santa Cruz do Incio / Consellería de Cultura

O Goberno galego aprobou este xoves o decreto polo que se declara Ben de interese cultural (BIC), coa categoría de monumento e nivel de protección integral, á igrexa de Santa Cruz, no Incio, proxectada polo arquitecto José Luís Fernández do Amo, un dos máis importantes representantes da nova arquitectura española no século XX.

O templo, segundo remarca a Xunta, é “unha mostra excepcional” da arquitectura do Movemento Moderno en Galicia e no resto de España.

O recoñecemento supón incluír tamén máis de 40 bens do interior que son de especial interese patrimonial e que se integran no Catálogo do Patrimonio Cultural de Galicia como os 24 bancos deseñados por Fernández do Amo, dous confesionarios, unha pía bautismal e outra de auga bendita, o altar principal e outro lateral, a talla da Virxe de Santa Cruz do Incio, crucifixos ou viacrucis, entre outros.

O Goberno autonómico concluíu actuacións de conservación no inmoble que incluíron obras por máis de 130.000 euros para evitar a deterioración do edificio.

DEIXAR UN COMENTARIO

Please enter your comment!
Please enter your name here