InicioMedio ambiente e PatrimonioUn innovador miradoiro, novo atractivo turístico para Bóveda

Un innovador miradoiro, novo atractivo turístico para Bóveda

Trátase do 'Miradoiro do Alto do Coto', na Serra de Penas, e foi inaugurado oficialmente este 11 de febreiro.

Publicado o

POR
Redacción
- Advertisement -

O alcalde de Bóveda, José Manuel Arias, acompado do vicepresidente primeiro e conselleiro de Presidencia, Xustiza e Turismo, Alfonso Rueda, e do delegado territorial da Xunta en Lugo, Javier Arias, inauguraron este venres 11 de febreiro o miradoiro do Alto do Coto.

A orixinal construción é unha plataforma en altura á que se accede por unha escaleira e que se sostén sobre unha estrutura de madeira de carballo que eleva o miradoiro a unha altura duns dez metros. O seu deseño evoca unha catapulta, e días atrás algúns usuarios de redes sociais chegaron a pensar que podía tratarse dalgún punto de vixilancia de montes ou algo relacionado co mundo da ornitoloxía.

José Manuel Arias, Alfonso Rueda e Javier Arias. Foto: Prensa Concello de Bóveda.

Está na Serra de Penas e, segundo fontes do Concello de Bóveda, foi financiado coa liña de axudas do Plan Camiña da Xunta –uns 30.000 euros– para as infraestruturas turísticas dos concellos de ata 10.000 habitantes.

Este innovador miradoiro paisaxístico é un novo recurso turístico para o concello. Sitúase no límite entre dúas comunidades de montes –a de Martín e a de Teilán– e permite ver a Ribeira Sacra, Reserva da Biosfera desde o pasado ano, e tamén Os Ancares, O Courel ou Pena Trevinca, xa na provincia de Ourense.

O deseño foi obra da arquitecta municipal, Consuelo Fernández.

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...