InicioOpiniónAdega Sernande, 'mimando os viños na adega' e vendendo en Nova Iork

Adega Sernande, ‘mimando os viños na adega’ e vendendo en Nova Iork

Na entrega deste mes, os colaboradores de Segredos de Pantón entrevistan aos propietarios da Adega Sernade, María José Aira e Antonio López. Chegados das terras da Pobra do Brollón instaláronse en terras de Pantón, lugar onde atoparon o sitio axeitado para instalar a súa adega.

Publicado o

POR
Segredos de Pantón
- Advertisement -

Adega Sernande é un proxecto honesto, comprometido coa viticultura responsable, que busca nos seus viños sacar o carácter da terra da que proceden. Buscan elaborar viños naturais facendo un traballo respectuoso, mimando os viños na adega, cos seus tempos e evolucións necesarias.

Que obxectivos queredes acadar?

O noso obxectivo e seguir elaborando as marcas que temos agora e incorporar novas elaboracións sobre todo en brancos.

Sabemos que sodes da Pobra do Brollón, pero como rematastes en Sernande, que vos trouxo aquí?

Estivemos un tempo buscando unha construción para rehabilitar en distintas zonas, dende un principio sentímonos moi cómodos en Sernande e o proxecto que tiñamos encaixaba na casa que compramos e que hoxe é a Adega. 

Adega Sernande. Foto: Mª José e Antonio López

O voso traballo ata agora témolo nos viños Vertixe, Mil Vueltas e Oh my God, como foi a súa aceptación?

Vertixe xa é un viño cun mercado consolidado e cunha gran demanda, no caso de Mil Vueltas e Oh my God, acabamos de presentalos na ‘Emoción dos viños’, que se celebrou o fin de semana pasado en Barro, e tiveron moi boa acollida.

Temos entendido que case toda a vosa produción viaxa ao estranxeiro, cal é o perfil dos vosos compradores, distribuidores de viño, restaurantes…? Que países están na vosa lista?

Parte da nosa produción estase a comercializar en Nova Iork, e tamén a nivel nacional. En Galicia podemos atopalo en A Curba de Portonovo ou no Restaurante Polvora de Madrid por poñer algúns exemplos. Afortunadamente cada vez hai mais consumidores que queren coñecer que hai detrás de cada botella, e ao mesmo tempo contamos con hostaleiros coñecedores dos viños que venden, esta simbiose fai moi enriquecedora a cultura vinícola dun pais. Estes mercados son os que buscamos para os nosos viños.

Viñas de Adega Sernade. Foto: Mª José e Antonio López

O voso caldo Vertixe, foi unha colaboración con Orly Lumbreras, como foi a experiencia?

Orly Lumbreras forma parte da esencia da adega. El xunto coa súa muller Mila colaboran con nós no proxecto, nas distintas etapas. Únenos unha boa amizade ante todo e a ilusión e o sentir común no mundo do viño. A forma de elaborar xorde dun consenso e dunha valoración profesional como é a de Orly Lumbreras.

Para rematar coa entrevista, que pensades que fai únicos aos viños da denominación de orixe Ribeira Sacra?

Para nós a singularidade dos viños da Ribeira Sacra está no ‘terruño’, na rica diversidade de solos que temos e que fai que unha mesma variedade teña unha expresión distinta e un carácter diferenciado.

ÚLTIMAS

‘Volta ao xogo’: o novo single dos chantadinos TIAM Gz

Tras dous anos sen sacar temas, neste 2024 a banda de Chantada TIAM Gz...

Curso de ‘alquimia herbal’ en Torbeo, Ribas de Sil

Os e as amantes das plantas, e do seu poder medicinal, teñen a vindeira...

Rebaixan a pena dun veciño de Monforte condenado por violación

A sección segunda da Audiencia Provincial de Lugo rebaixou, en aplicación da lei do...

O IES Río Cabe no centro da cultura financieira

Durante a xornada contouse coa visita da directora xeral de Ordenación e Innovación educativa,...