Roberto Castro tamén optará a ser deputado provincial

Castro tomou a decisión tras a reunión que tiveron os concelleiros do Psoe da comarca o pasado xoves. Nunha nota de prensa aos medios dá conta da decisión, dos seus méritos e do apoio á reelección de Darío Campos como Presidente da Deputación.

Roberto Castro na sinatura dun convenio con Medio Rural. Foto: Xunta de Galicia

O socialista Roberto Castro, concelleiro reelixido do Concello de Ribas de Sil, tomou a decisión de postularse como deputado provincial polo partido xudicial de Lemos na reunión que mantiveron o xoves os concelleiros electos da zona. Nesa xuntanza falouse da designación do deputado provincial que lles corresponde tras os resultados acadados nas eleccións locais.

Foi nese momento cando deu o paso para presentar diante dos compañeiros de partido a candidatura para ser deputado provincial concorrendo, como xa se sabe, con José Tomé Roca, alcalde reelixido de Monforte de Lemos.

Ademais de ofrecer claramente a súa lealdade á decisión da Executiva Provincial de nomear a Darío Campos como Presidente da Deputación de Lugo, expuxo tamén os seus méritos para optar ao posto de deputado. Defendeu a súa experiencia de máis de vinte anos como tenente alcalde do Concello de Ribas de Sil, coñecer o funcionamento da administración local e dos concellos pequenos que conforman o sur de Lugo, así como tamén contar co apoio de moitos cargos electos da comarca.

DEIXAR UN COMENTARIO

Please enter your comment!
Please enter your name here