HomePolíticaO BNG do Saviñao leva a sanidade do concello ao Parlamento

O BNG do Saviñao leva a sanidade do concello ao Parlamento

O BNG presenta unha proposición non de lei para que o Parlamento galego inste á Xunta de Galiza a manter aberto o consultorio de Currelos e a dotalo do persoal necesario para manter os servizos sanitarios achegados á poboación. Piden tamén o Centro de Saúde do que depende este consultorio coa dotación de persoal precisa máis alá do número de TIS.

Publicado o

POR
Redacción
- Advertisement -

No Concello do Saviñao, que conta con algo menos de 4000 habitantes, existe un Centro de Saúde na capitalidade, Escairón, e un consultorio en Currelos que se encontra a uns 13km de distancia e atende a unha poboación de 700 habitantes aproximadamente.

O consultorio de Currelos sempre tivo a eiva, segundo o BNG, de non contar con persoal administrativo nin celador, causando isto distorsións na asistencia á poboación, de modo que o resto de persoal tiña que facerse cargo de máis tarefas administrativas das que lles correspondería como persoal sanitario.

No Centro de Saúde de Escairón hai un médico próximo á xubilación, e dado que quen ostenta responsabilidades no SERGAS alude sempre á falta de profesionais. Tal e como sinalan desde o BNG, a poboación ten o temor de que non se cubra esta ausencia, e si se faga desaparecer esta praza. “É público, tamén, que en Escairón se está a construír un novo Centro de Saúde, e que non é descartable, xunto co resto de reseñas mencionadas, que isto todo signifique o peche do consultorio de Currelos para que se manteñan 3 profesionais en Escairón a conta de afastar a asistencia sanitaria da poboación,” sinalan desde o BNG.

Nesta situación o BNG insta á Xunta a manter aberto o consultorio de Currelos e a manter a praza do médico de Escairón. Ademais tamén se rexistraron as seguintes preguntas para que o goberno galego as resposte:

  • Que intencionalidade ten o Goberno da Xunta de Galiza de non cubrir a interinidade que vai deixar o médico que está para xubilarse?
  • Pensan pechar o consultorio de Currelos?
  • Van dotar a este consultorio de persoal administrativo, PSX, como correspondería?
  • Están a considerar as necesidades de asistencia sanitaria da poboación do Concello?

ÚLTIMAS

Máis dun cento de persoas asisten á proxección de Reboiras en Monforte

Ao remate da proxección tivo lugar un coloquio no que interviron dous militantes da...

Tomé inaugura o VII Festival do Viño da Ribeira Sacra de Monforte coa participación de 3O adegas

Aproveitando a súa intervención, Tomé anunciou que a Deputación Provincial asinará en breve un...

Remátase o muro de sostemento en Gradín para garantir a seguridade viaria en Láncara

Os traballos consistiron na execución dun novo muro de sostemento e na renovación da...

O Concello de Chantada reforza a sinalización turística do Monte Faro

Os novos sinais instalados, mencionan a igrexa de Santiago de Requeixo, a ermida de...