Os socialistas de Chantada contra o “maltrato contínuo dos servizos educativos no concello”

Un grupo de nais e pais do IES Lama das Quendas lanzan unha campaña de recollida de firmas “ante a decisión da Xunta de Galicia de recortar profesorado no IES Lama das Quendas”, un xeito co que pretenden amosar a total desconformidade e rexeitamento ante tal decisión.

Entrada do IES Lama das Quendas de Chantada

O IES Lama das Quendas perdeu 7 docentes respecto ó curso pasado, ós que ademais se suman os 3 que perderan o curso anterior. Un feito que molesta ós pais e nais e tamén á comunidade docente, que non entende tal decisión en plena pandemia. “Cremos que no rural tamén temos dereito á calidade educativa e ós mesmos servizos cás mozas e mozos das cidades”, recolle o escrito.

Precisamente respecto ó recorte de docentes para o curso 2021-2022 o grupo parlamentario socialista presentou unha proposición non de lei para que, cando menos, se mantivera o mesmo número de docentes que no curso anterior. Unha perda nos servizos educativos que se suma á FP Dual de Administración de Empresas, que xa non se ofertará na vila do Asma. Quedando ese instituto coa oferta do Ciclo de grao profesional básico de “Informática de Oficina” e o de “Mantemento de vehículos”. Na oferta de FP de grao medio, mantense o de “Electromecánica de vehículos automóbiles”, mentres que no grao superior só sobrevive o de “Administración e finanzas”.

Dende o PSdeG-PSOE de Chantada insisten en que “apostar pola formación é un piar fundamental para o futuro de calquera vila”. Porén, “en Chantada asistimos a un goteo contínuo de perdas en canto ós servizos educativos que ofrecemos no noso concello”, recalcan os socialistas.

DEIXAR UN COMENTARIO

Please enter your comment!
Please enter your name here