O BNG de Pantón pídelle ao alcalde que apoie a concentración do día 9 diante do centro médico

O BNG de Pantón presentou diferentes iniciativas no Parlamento e no Concello para evitar a perda do terceiro médico en Pantón.

Concentración BNG Pantón médico / BNG Pantón

Esta formación política encabezou as protestas sociais ante a progresiva perda de médicos no concello e anuncia que seguirán pedindo a reposición do terceiro médico.

Na actual situación chaman á poboación de Pantón a acudir á concentración do día 9 a partir das 13:00h diante do centro médico e lembran que continúa coa recollida se sinaturas que se entregarán na consellaría de sanidade para esixir a cobertura desa praza.

“Así mesmo queremos manifestar o apoio do bng a esta mobilización social e reiteramos a petición pública ao señor alcalde de Pantón para que se posicione co pobo ao que ten obriga de representar e defender e acuda a esta convocatoria e se poña á fronte xunto cos outros partidos da corporación”, lembra a voceira do BNG no Concello de Pantón, Rosana Prieto.

DEIXAR UN COMENTARIO

Please enter your comment!
Please enter your name here