O PP de Monforte denuncia a “apariencia bochornosa” do Cabe ao seu paso pola cidade

O PP monfortino lamenta a pouca preocupación do equipo de goberno local en relación ao estado do río Cabe, que nos últimos días presenta unha aparencia “bochornosa”.

Río Cabe Katy Varela / PP Monforte

A presidenta do PP de Monforte e voceira municipal, Katy Varela, considera “paradoxal” que “o alcalde presuma de recoller a escoba de prata á cidade máis limpa, pero non repare na situación do saneamento e, polo tanto, do río ao seu paso polo casco urbano”.

Varela defende que “unha  cidade como a nosa -monumental e nun enclave de luxo como é a Ribeira Sacra- debería coidar máis ese tipo de detalles. É unha vergoña que os turistas que nos visiten estes días vexan o río neste estado”.

Ademais, “a falta do saneamento e a situación do río impiden que os cidadáns de Monforte poidan gozar dunha zona de baño adecuada”, expón tamén a popular. Segundo Varela, o goberno de Tomé non atende asuntos importantes como é o saneamento, “A pesar de que o Grupo Municipal Popular o ten levado en numerosas ocasións para o seu debate no pleno, lamentablemente non esperamos que lle dea unha solución”.

DEIXAR UN COMENTARIO

Please enter your comment!
Please enter your name here