Segundo Por Chantada o que dá a ver a xestión municipal é “unha improvisación permanente que se vai tapando aínda por riba a golpe de talonario ou tirando do tecido viciñal e asociativo máis sen iniciativa propia nen planificación.”

Lembran que o ano pasado as familias non puideron facer unha planificación axeitada porque os campamentos organizáronse tarde, e chegouse a facer unha recollida de sinaturas por este motivo. “Este ano a previsión temporal mellorou algo, mais son claramente insuficientes por datas e horarios e agardemos que as prazas dispoñíbeis se amplíen e sexan suficientes, así como calidade do servizo.”

Por Chantada asegura ter defendido diversas iniciativas no Pleno para desenvolver políticas de conciliación axeitadas, desde a ampliación da Galiña Azul ata a proposta dun Plano Madruga análogo ao existente noutros concellos. “O Goberno municipal, cuxos integrantes prefiren atender ao móbil ca escoitar as nosas propostas nos Plenos, deberían tomar nota do que se fai noutros concellos, con horarios de mañá e tarde que si permiten conciliar e que duran ata setembro”, aseguran.

Conclúen, “pedímoslle ao Goberno municipal menos fotos e propaganda e máis traballo e reflexión para que Chantada teña, dunha vez por todas, políticas de conciliación á altura do século XXI e do que a sociedade chantadesa merece.”

En definitiva, Por Chantada pide ao Goberno municipal menos fotos e propaganda e máis traballo e reflexión para que Chantada teñan, dunha vez por todas, políticas de conciliación á altura do século XXI e do que a sociedade chantadesa merece.