Unha xornada moi dura na que se disputaban 16 probas individuais masculinas e outras tantas femininas e 4 substitucións. Foron moitos compoñentes do equipo os que realizaron un esforzo titánico e completaron as 4 probas individuais e as 4 substitucións que permite o regulamento. Ata 8 probas nadaron varios dos nadadores e en moitas ocasións realizaron mellores marcas persoais, tamén nas substitucións nas que melloraron varios récords do club.
Un equipo composto por máis de 20 nadadores que o deu todo de principio a fin e conseguiu o obxectivo que a dirección técnica propúxose a principio de tempada, o ascenso de división. O CN Monforte finalizou en segunda posición na final a escasos 11 puntos do gañador CN Boiro.
“Só uns pequenos erros e un par de baixas importantes privaron ao CN Monforte acabar na primeira praza nunha final, competida punto a punto, sempre con escasa marxe, que fixo estar moi implicados aos nadadores e afección que desde a bancada animou a cada un dos equipos. Poderíanse destacar varias actuacións a nivel individual pero esta competición o que promove é o espírito de equipo, o compañeirismo, a coraxe e a resiliencia e todos e cada un dos nadadores estiveron á altura deste gran reto conseguido”, conclúen desde o club.
