Don Bernardino inaugurará a XXXIX Feira do Viño de Amandi

O Concello de Sober vén de celebrar reunión cos 25 adegueiros preinscritos para participar na XXXIX Feira do Viño de Amandi que se celebrará en Sober na fin de semana do 13 e 14 de abril.

Feira do Viño de Amandi / Concello de Sober

Na reunión avanzáronse algúns detalles da próxima edición da feira que se presentará oficialmente xunto coas actividades do ‘Mes do Amandi’ o día 16 de marzo no miradoiro de SoutoChao, en Doade.

O ‘Mes do Amandi’ en cuxa programación se está traballando contará con catas comentadas, xornadas de maridaxe, en colaboración coa Escola de Hostalería de Rosende, actividades musicais e xornadas técnicas coorganizadas coa EVEGA, entre outras actividades.

A inauguración da feira deste ano correrá por conta da adega Don Bernardino, en recoñecemento e lembranza do seu fundador e pioneiro da Feira do Viño de Amandi e da D.O. Ribeira Sacra, Bernardino Rodríguez de Santa Cruz de Brosmos, falecido aos 89 anos o pasado mes de novembro. O Concello do Saviñao será o convidado de honra desta edición da feira. Este ano a feira terá como convidado de  honra ao Concello do Saviñao.

A primeira actividade promocional desta edición da feira será en Xantar onde o concello de Sober contará cun stand entre o 6 e o 10 de febreiro, neste último día celebrarase degustación de viños de Amandi.

DEIXAR UN COMENTARIO

Please enter your comment!
Please enter your name here