A residencia da Pobra do Brollón, situarase na Avenida de Outeiro, contará cunha superficie construída de 1.779 metros cadrados. O novo inmoble de 2 plantas estará distribuído do seguinte xeito: o semisoto terá 277 metros cadrados nos que se instalarán un almacén, lavandería, vestiario e locais técnicos e a planta baixa, de 1.531 metros cadrados, na que se situarán a área residencial, a zona de convivencia, o comedor e cociña, a área de atención especializada e os espazos de dirección e administración.
A área residencial, con zona dedicada exclusivamente a dormitorio, ocupa toda a parte frontal do edificio e disporá de 18 cuartos dobres, con baño adaptado. O centro tamén contará con despacho médico, sala de curas, 2 habitacións de enfermería e un baño asistido.
A residencia, cun investimento de 1,4 millóns de euros, contará con 36 prazas. Desta cantidade, a Deputación achega 1,2 millóns de euros e o Concello colabora con 200.000 euros. As obras poderán iniciarse unha vez formalizado o contrato e acadados o permisos correspondentes.
