IniciosociedadeAberto o prazo de solicitude para o Mercado de Outono de Monforte

Aberto o prazo de solicitude para o Mercado de Outono de Monforte

O Concello de Monforte abre o prazo de inscrición para participar no Mercado de Outono, que se celebrará na Praza de Abastos da cidade os días 2 e 3 de novembro.

Publicado o

- Advertisement -

Nesta nova edición do Mercado de Outono, poderán participar produtores e comerciantes do sector alimentario relacionados con produtos de tempada de outono. Ademais, este tipo de mercados organizados polo Concello, tamén son unha oportunidade para dar a coñecer novas empresas ou produtores que están a iniciar un proxecto empresarial e que poden utilizar estas instalacións como un escaparate para os seus produtos.

O prazo de presentación de solicitudes será dende o día seguinte ó da publicación das bases na páxina web do Concello e  remata o día 23 de outubro de 2019 ás 14:00 h. Os interesados/as en participar deberán presentar unha solicitude, xunto coa documentación requirida nas bases de participación do Mercado, no Rexistro Xeral do Concello de Monforte.

O horario de apertura dos postos será na xornada do sábado 2 de novembro, de 10:00 a 14:00 e 17:00 a 20:00 e domingo 3 de 10:30 a 14:00. Será obrigatorio manter o posto aberto nas datas e horario de apertura ao público indicadas.

Para calquera aclaración, os interesados poden dirixirse á Axente de emprego e desenvolvemento local do Concello de Monforte, acudindo á súa oficina situada nas Casitas da Compañía, s/n, ou no teléfono 982 884 775. Ademais do mercado tamén haberá diversas actividades de lecer para os máis cativos. A programación do Mercado de Outono presentarase proximamente.

ÚLTIMAS

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...