A arte da poda

Enoturismo Galicia organiza, como todos os anos, as súas xornadas de poda, abertas a todas as idades.

Poda / Vía Romana

O proceso de poda da vide é unha arte, unha actividade manual que crea como resultado, o froito da vide coas características desexadas pola adega. Primeiramente visitarase o viñedo, onde se explicarán as características de cada variedade. Seguirase coa explicación de poda (que cortar, número de xemas que hai que deixar…) os seus beneficios para a planta e comezarase a podar xunto co técnico ou responsable da adega.

Posteriormente visitarase a adega onde se informará sobre os procesos de vinificación e onde se procederá a catar os viños desta. Para finalizar realizarase unha degustación de produtos típicos galegos maridada cos mellores caldos da adega anfitrioa.

A actividade ten un prezo de 30 euros por persoa. Será necesario contar cun mínimo de 2 persoas e máximo 15 persoas por grupo. Para máis información e reservas contactar con Enoturismo GaliciaTlf: 676 101649  / info@enoturismogalicia.es

DEIXAR UN COMENTARIO

Please enter your comment!
Please enter your name here