“Seguimos para poder dicir que acabamos este Dakar 2020”, Eduardo Iglesias

O piloto monfortino de motos, Eduardo Iglesias, espera completar este venres, despois de 379 quilómetros o seu primeiro Dakar.

Eduardo Iglesias / José Mario Dias

Este xoves, 16 de xaneiro, celebrouse a 11 etapa do Dakar que termina mañá. O francés Stephane Peterhansel (Mini) gañou esta etapa na que Carlos Sainz quedaba terceiro, con suficiente vantaxe para afrontar a xornada final e gañar por terceira vez o rally.

Fernando Alonso queda oitavo despois dunha gran remontada e colocarse 13 na xeral; e Eduardo Iglesias segue adiante disposto de completar mañá o Dakar. Nesta 11 etapa fixéronse 167 quilómetros de competición, despois de que a organización recortase os 374 previstos, ao atoparse en construción un gasoduto en parte da zona de competición.

Eduardo Iglesias / José Mario Dias

Eduardo Iglesias fala así en vésperas de chegar a completa o Dakar, “Estamos a piques de terminar o Dakar e non debemos meternos en moitas problemas agora. Hai que conservar mecánica que está a haber bastantes avarías. Fisicamente estamos un pouco xustos e hai que facer o spring final. Hai que dosificar que foi unha etapa toda de area e bastante pesada e longa. Seguimos para poder dicir que acabamos este Dakar 2020.”

Eduardo Iglesias / Víctor Eleuterio Costa

O Dakar comezaba o pasado 5 de xaneiro, nesa primeira etapa, Eduardo Iglesias chegaba non posto 130. Este xoves termínase o rally cos 379 quilómetros de especial entre Shubaytah e Haradh (Arabia Saudita).

DEIXAR UN COMENTARIO

Please enter your comment!
Please enter your name here