Melloras na estación de autobuses de Monforte

A Consellería de Infraestruturas e Mobilidade comeza os traballos de instalación da sinalización e do balizamento de seguridade cos que se inician as obras de renovación e mellora da estación de autobuses de Monforte de Lemos.

Estación de autobuses Monforte / XdL

O obxectivo destas obras é delimitar os espazos nos que se teñen previsto levar a cabo as obras de reforma integral, ás que a Xunta destina 155.000 euros, e que proseguirán de xeito inmediato coa retirada da marquesiña exterior do recinto e despois coa mellora da cuberta e dársenas da estación. As obras contan cun prazo de execución de catro meses, polo que se prevé que poidan estar rematadas en primavera.

O delegado territorial da Xunta en Lugo, José Manuel Balseiro, explicou que esta actuación responde á aposta que está a desenvolver o Goberno galego pola mellora do transporte público e pola mellora das súas infraestruturas estratéxicas, como é o caso da estación de Monforte de Lemos.

As obras contribuirán á renovación integral da estación, incluídos pavimento, dársenas, paredes e teitos, así como a dotación de novo mobiliario de servizo: novos bancos na zona de agarda, renovada iluminación e pantallas informativas electrónicas.

DEIXAR UN COMENTARIO

Please enter your comment!
Please enter your name here