Máscaras para todas e todos en Sober

O concello pon, desde este martes 7 de abril, a disposición de todos os veciños e veciñas este material protector.

Máscaras de protección. Foto: Prensa de Sober

As persoas interesadas en posuír máscaras poderán retiralas nas farmacias da localidade ou contactando con Protección Civil de Sober no seguinte número de teléfono: 650 20 34 40 (en funcionamento as 24 horas).

O Concello de Sober está en disposición de comezar a entrega grazas á xunta directiva do Coto de Caza local que, xunto coa Asociación de Viticultores e de varias bodegas da localidade, conseguiron reunir máis de 2.000.

Desde o Concello porán, en primeiro lugar, a cantidade necesaria a disposición dos Servizos Sociais municipais, Protección Civil, Residencia da terceira idade e persoal do Centro de saúde e as restantes estarán a disposición de todas as veciñas e veciños, que poderán conseguilas de forma gratuíta e cunha demanda responsable, segundo se indica no comezo desta nova.

Deste xeito, estas máscaras de protección, xunto coas recibidas dende a Xunta, fan posible que todos os veciños e veciñas de Sober poidan dispoñer do seu EPI (Equipo de Protección Individual) fronte ao coronavirus.

Establecementos públicos e residencia

Tamén se entregarán máscaras recibidas da Xunta, e pantallas protectoras elaboradas por Héctor Suárez e unha profesora do CEIP Virxe do Carme a todos os dependentes de locais abertos ao público en Sober. Ademais das entregas anteriores repartirase un novo lote de material chegado da Xunta para a residencia de maiores.

DEIXAR UN COMENTARIO

Please enter your comment!
Please enter your name here