Falece Luz Pozo Garza, autora do libro “Pazo de Tor”

A poeta Luz Pozo Garza, nada en Ribadeo no 1922, finou este luns na Coruña, a cidade na que residía desde finais dos anos 80. A súa é unha das voces esenciais das letras galegas da segunda metade do século XX, segundo remarcou a Real Academia Galega (RAG) nun comunicado.

Luz Pozo Garza. AXM

“O amor e a sensualidade foron dúas constantes na súa obra, caracterizada por un fondo lirismo e o diálogo intertextual íntimo coa tradición poética galega e universal. A luz como elemento simbólico central é outro sinal de identidade dunha autora que nunca deixou de escribir”, explica a RAG na nota de prensa. En 2019 publicou o seu último libro, ‘Pazo de Tor,’, homenaxe ao edificio de Monforte de Lemos e ás raíces familiares, pola vía materna. A información completa no Xornal da Mariña.

DEIXAR UN COMENTARIO

Please enter your comment!
Please enter your name here