- Advertisement -
A provincia conta con 662 casos activos de coronavirus, 15 máis ca onte. 9 pacientes están na UCI, 1 máis ca onte; 2 na Mariña e 7 no HULA. Cóntase con 22 persoas en hospitalización, 2 menos ca onte. O Hospital Comarcal de Monforte segue sen novos ingresos por Covid19. Lévanse producido na provincia 26 falecementos e 129 altas por coronavirus.
En Galicia, os casos de coronavirus aumentan ata os 6.824, son 120 diagnósticos máis que os rexistrados o venres. Crecen as altas ata as 1.783 (+53) e as persoas ingresadas na UCI chegan ás 90 (+3).
Os casos activos nas residencias de anciáns e centros de atención a persoas con discapacidade na zona sur de Lugo, diminúen lixeiramente cada día. Este venres recuperábanse 2 traballadores da Domusvi de Bóveda e hoxe recupérase un usuario da Domusvi de Chantada, quedando esta residencia con 0 infectados de Covid19.
Esa tendencia xeneralizada ten como excepción a residencia Meu Fogar de Taboada, na que onte se detectaba un brote de coronavirus con 5 usuarios e tres traballadoras infectadas, que segundo o rexedor local están asintomáticas.
