241 casos activos na provincia con Monforte máis dunha semana sen hospitalizados

Mércores sen mortes por Covid19 en Galicia mentres a provincia ten este xoves 8 hospitalizados e 4 na UCI. O Hospital Comarcal de Monforte supera xa a semana sen hospitalizados por Covid19.

Entrada principal do Hospital de Monforte / XdL

Este xoves, 30 de abril, cóntase con 241 casos activos de coronavirus na provincia de Lugo, segundo os datos oficiais. 3 casos menos ca onte, dos que 4 están na UCI, 2 na Mariña e 2 no Hula; e 8 en hospitalización, 14 menos ca onte. Dos hospitalizados 5 están no hospital Virxen do Ollos Grandes e o resto no HULA. O Hospital Comarcal de Monforte sumaba onte unha semana sen hospitalizados por Covid19.

229 persoas están nos seus domicilios, 14 máis ca onte, teoricamente as 14 persoas que recibiron a alta nos hospitais. Desde o comezo da crise, na provincia lévanse producido 583 altas; 11 máis ca onte. Os datos correspondentes á zona sur da provincia nas residencias de maiores e centros de atención a persoas con discapacidade mantéñense estables.

Os datos de Galicia dannos 47 pacientes con COVID-19, permanecen na UCI este xoves. Unha cifra que supón un terzo menos que os que había o mércores, 73. Outro dato positivo tras un mércores no que non se rexistraba ningún morto desde o inicio da pandemia.

DEIXAR UN COMENTARIO

Please enter your comment!
Please enter your name here