En marcha a limpeza das marxes da rede viaria autonómica na provincia

A Xunta de Galicia vén de iniciar a campaña de limpeza das marxes da rede viaria autonómica da provincia de Lugo, que prevé ter en marcha ata finais de xuño. En total, actuarase nuns 1.490 quilómetros de estradas.

Desbroces / delegación territorial

O delegado territorial, José Manuel Balseiro, explicou que a Consellería de Infraestruturas e Mobilidade destina 643.555 euros a esta actuación, que desenvolve periodicamente nestas datas para mellorar a seguridade na circulación. 

As actividades de mantemento, roza e segado nas marxes das estradas comezan nas zonas onde a vexetación, por particularidades climáticas ou biolóxicas, presenta un estado máis avanzado. Trátase sobre todo de rozas que deben facerse durante esta época, cando xa xerminaron as especies herbáceas, con tempo seco.

A limpeza das cunetas incrementa, ademais, a efectividade da estrada como cortalume en caso de incendio. Deste xeito, increméntase a seguridade nas vías ao mellorar as condicións de visibilidade e diminuír a presenza de materia potencialmente esvaradía.

Desbroces / delegación territorial

DEIXAR UN COMENTARIO

Please enter your comment!
Please enter your name here