Campamento de verán de 4 a 13 anos en Bóveda

O Concello de Bóveda vén de abrir o prazo, ata o 26 deste mes, para anotarse ao seu campamento de verán no que poden participar os nenos e nenas de 4 a 13 anos.

Día da Biblioteca / Concello de Bóveda

A maior parte do campamento de verán levarase a cabo na zona da Filgueira, con actividades ao aire libre que permitan manter as distancias de seguridade recomendadas. No caso de que o tempo non o permita trasladaranse ao pavillón municipal ou ao salón de actos do Centro Sociocultural.

O campamento terá capacidade para 15 rapaces e desenvolverase en horario de 9.00 a 12.00 h. de luns a venres.

A tarifa dos campamentos é de 80 euros por mes completo e 50 euros por unha quincena. Cando haxa 2 irmáns que se matriculen, o segundo e sucesivos terán un desconto do 50%. Teñen prioridade nas prazas as persoas residentes e a adxudicación farase por orde de preinscrición. Para máis información pódese chamar ao número de teléfono 982 42 61 77, e para anotarse neste número ou en persoa no Concello de Bóveda.

DEIXAR UN COMENTARIO

Please enter your comment!
Please enter your name here